السلام عليكم ورحمة الله وبركاته
هذه ابيات قصيدة اعجبتني كلماتها رقيقة حبيت تشاركوني فيها
يارب ما تكون مكررة
يفداك قلبي والتعب و المسافه
دام آخر المشوار شوفة عيونك
و يفداك عمر ضاع كله حسافه
على الزمان اللي قضيته بدونك
جيتك بقايا حب هذا إعترافه
أهواك أحبك أعشقك ما أخونك
يعني أحبك حب أسمه خرافه
لطروا أساطير الهوى يذكرونك
و لو خفوقي كتاب تقرا غلافه
قسم قسم بالله أعشق جنونك
جيتك على رغم الزمن و اختلافه
كل الطرق عندي توصل جفونك
مليت من شح الغرام و جفافه
ضميان حب و بارتوي من مزونك
قلي أحبك خل عنك الكلافه
ريح ظنوني ريح الله ظنونك
يا سيد قلبي و الحلا و اللطافه
كل المشآآاعر في خفوقي يبونك
خلص كلامي بس عندي إضافه
أهواك أحبك أعشقك ما أخونك
وسلامتكم
موضوع: قلي احبك خل عنك الكلافه 
السبت يونيو 18, 2011 3:59 pm
